Buddion a Manteision

Rydym yn dymuno denu a chadw staff talentog a medrus iawn felly rydym yn sicrhau bod ein graddfeydd cyflog yn aros yn gystadleuol o fewn y sectorau addysg uwch a masnachol. Nodir bandiau cyflog ar gyfer pob swydd pan gânt eu hysbysebu, a bydd staff yn cychwyn ar bwynt cyntaf y raddfa gyflog o fewn y band hwnnw ac yn cael cynnydd blynyddol i'w cyflog.

Mae'r brifysgol wedi ymrwymo i gyfle cyfartal o ran taliadau, cyflog, a dilyniant gyrfa i bob aelod staff o fewn fframwaith sy'n deg, yn dryloyw ac yn gyson.

Mae Prifysgol Bangor yn gweithredu dau gynllun pensiwn galwedigaethol. Gwahoddir pob aelod staff newydd (rhwng 18-60 oed) i ymuno â’r naill gynllun neu’r llall. Rydym yn cynnig y cyfle hefyd i ymuno â'r Ymddiriedolaeth Genedlaethol Cynilion Cyflogaeth (NEST).

Gall gweithwyr dalu trwy aberthu o’u cyflog i gynyddu eu cynilion.

Rydym yn cynnig trefniadau gweithio oriau hyblyg sy'n gweddu i'ch ffordd o fyw. Gallwch drafod yr hyn sy'n gweithio orau i chi gyda'ch rheolwr llinell.

Rydym yn cynnig hawl gwyliau hael o 27 diwrnod yn ogystal â gwyliau banc a saith diwrnod o wyliau prifysgol ychwanegol.

Absenoldeb Mamolaeth: Rydym yn cynnig absenoldeb mamolaeth hael a chyflog i bob aelod staff, waeth beth yw hyd eu gwasanaeth.

Absenoldeb Tadolaeth: Mae gan bob aelod staff yr hawl i gymryd uchafswm o bythefnos i ffwrdd, ar gyflog llawn.

Absenoldeb Rhiant a Rennir: Rydym hefyd yn cynnig absenoldeb rhiant a rennir sy'n eich galluogi chi a'ch partner i rannu 52 wythnos o absenoldeb dros y flwyddyn gyntaf. Efallai y bydd gennych hawl hefyd i dâl absenoldeb rhiant a rennir ychwanegol am rywfaint o gyfnod eich absenoldeb, neu am y cyfnod cyfan y dewiswch yn ei gymryd.

Absenoldeb Mabwysiadu: Rydym yn cynnig absenoldeb mabwysiadu ychwanegol a chyflog i bob aelod staff, waeth beth yw hyd eu gwasanaeth.

Gall staff brynu gwyliau blynyddol ychwanegol trwy drefniant aberthu cyflog.

Mae'r cynllun hwn yn caniatáu i weithwyr elwa ar logi beiciau ac offer fel goleuadau a chloeon dros y tymor hir. Mae'n cynnig ffordd ddi-dreth o wella’ch iechyd.

Mae Tir na n-Og (gwlad hudol y bythol ifanc mewn mytholeg Geltaidd) yn feithrinfa ddielw a sefydlwyd gan Brifysgol Bangor yn Safle'r Normal, Bangor. Mae'r feithrinfa yn agored i bawb, yn cynnwys holl fyfyrwyr a staff y brifysgol a'r cyhoedd.

Gall gweithwyr prifysgol gael gofal plant mwy fforddiadwy trwy gyfrwng ein trefniant cyfnewid cyflog.

Rydym yn cynnig Rhaglen Cymorth i Weithwyr (VIVUP) i helpu aelodau staff ddelio â straen bywyd-gwaith, problemau teuluol, pryderon ariannol, problemau perthynas, a phryderon ehangach eraill. Mae ar gael i aelodau staff a'u teuluoedd ac mae'n anelu at gael effaith gadarnhaol ar eu lles.

Mae'r brifysgol wedi mabwysiadu nifer o ddulliau i hyrwyddo a phrif ffrydio cydraddoldeb ac amrywiaeth yn ei holl weithgareddau. Gwelwch ein tudalennau cyfle cyfartal am wybodaeth bellach.

Rydym yn darparu cyfleoedd dysgu a datblygu o ansawdd i staff academaidd a staff gwasanaethau proffesiynol.p>

Mae'r brifysgol yn elwa o gael Ymarferydd Iechyd Galwedigaethol ar y safle.

Mae Prifysgol Bangor wedi ymuno ag Undeb Credyd Cambrian i gynnig ffordd hawdd i'n staff grynhoi cynilion neu fenthyca arian ychwanegol pan fyddwch ei angen.

• Bellach mae gan staff y brifysgol hawl i gael yr un gostyngiadau gwych a gynigir i fyfyrwyr sydd â Cherdyn Gostyngiad NUS Extra.
• Clwb Teithio Arriva i Weithwyr - mae'n galluogi staff i deithio ar fysus am bris gostyngedig ar lwybrau bysiau Arriva.
• Mae gan aelodau staff hefyd yr hawl i raddfeydd gostyngedig yng Nghanolfan Chwaraeon a Hamdden y Brifysgol.
• Gall staff y brifysgol yn awr ystyried a gwneud cais am nifer cyfyngedig o ysgoloriaethau a lleoedd am brisiau gostyngedig i'w plant yng Ngholeg Myddleton.
• Mae'r Serious Cycle Scheme yn cynnig yswiriant am ddim i staff y brifysgol.
• Mae cwmni cyfreithwyr Mackenzie Jones yn cynnig gostyngiad i staff Prifysgol Bangor.
• Mae Express Conveyancing yn cynnig gostyngiad o hyd at 20% i staff y brifysgol ar ffioedd cyfreithiol.
• Hacker & Case - Gall staff gael gostyngiad o 10% trwy brynu eitemau ar-lein.
• Cotswold Outdoor - Mae gostyngiad o 15% yn y siop ac ar-lein ar gael i staff.
• Mae gostyngiadau corfforaethol ar gael trwy Hertz Autotravel.
• Mae'r brifysgol yn cynnig cyfleusterau chwaraeon rhagorol ac aelodaeth o'r gampfa yng Nghanolfan Brailsford am brisiau gostyngedig i'w gweithwyr.
• Mae staff y brifysgol yn derbyn gostyngiad corfforaethol yng Nghlwb Ffitrwydd DW ar Ffordd Caernarfon ym Mangor.
• Gall staff gael gostyngiadau ar rai o eitemau meddalwedd cyfrifiadurol Microsoft, gan gynnwys Microsoft Office.
• Ymwadiad